Psalmen 20

₂Mei de Heare Jo antwurdzje wannear’t jo yn need binne,

de namme fan Jakobs God jo ûnferwinber meitsje;

₃mei Er jo help stjoere út it hillichdom,

jo stipe jaan út Sion wei;

₄mei Er oan al jo offers tinke,

jo brânoffers goedkarre;

₅mei Er jaan wat jo hert begeart,

al jo plannen te’n útfier bringe;

₆meie wy om jo útrêding jubelje,

it findel opstekke yn ’e namme fan ús God;

en mei de Heare al jo smeekjen ferhearre.

₇No wit ik,

dat de Heare syn messias útrêdt

en him antwurdet út syn hillige himel

mei de machtige heilsdieden fan syn rjochterhân.

₈De iene giet grut op striidweinen, de oare op hynders –

mar wy, wy geane grut op ’e namme fan de Heare, ús God.

₉Wat sokken oanbelanget, dy geane troch de knibbels en falle,

mar wy komme oerein en hâlde faasje.

₁₀Heare, jou de kening útrêding!

Antwurdzje ús as wy roppe!