Hoséa 6

₁Kom,wy wolle werom, nei de Heare ta,

want Hy hat ús ferskuord, Hy sil ús wer hielje;

Hy hat ús slein, Hy sil ús ek ferbine.

₂Hy sil ús wer oplibje litte nei twa dagen

en de tredde deis sil Er ús ferrize litte,

dat wy libje meie foar syn eagen.

₃Wy wolle kenne, ja ús derop útlizze de Heare te kennen.

Sa wis as de dage komt, sil Hy ferskine;

Hy komt oer ús as in bui reinwetter,

as maitydsrein dy’t it lân syn wetter jout.

₄Hoe moat Ik mei dy oan, Efraïm?

Hoe moat Ik mei dy oan, Juda?

Want jimme leafde is as in moarnsdize,

as dauwe, dy’t yn ’e iere moarn ferfljocht.

₅Dêrom haw Ik derop ynraamd troch profeten,

myn eigen wurden hawwe jim de dea oandien

en myn oardiel oer jimme is as in trochbrekkend ljocht.

₆Want leafde en trou haw Ik nocht oan, net oan fleisoffers;

wiere Godskennis is My mear as it bringen fan brânoffers.

₇Mar hja hawwe te Adam it ferbûn ferbrutsen,

dêr binne se My ûntrou wurden.

₈Gileäd is in misdiedigersnêst,

dêr wâdzje se troch it bloed.

₉As rovers op ’e loer,

sa is de prysterbinde oan ’t moardzjen op ’e wei nei Sichem,

har dwaan is yn ien wurd skandalich.

₁₀Ofgryslik, wat Ik by it folk fan Israel sjoen haw:

dêr huorket Efraïm, dêr hat Israel him besmodze.

₁₁Ek foar dij haw Ik in risping weilein, Juda.

Wannear’t Ik in omkear bring yn it lot fan myn folk,

wannear’t Ik Israel hielje,