Genesis 36

₁Dit is de famylje fan Ezau, dat is Edom: ₂Ezau hat froulju út ’e fammen fan Kanaän nommen: Ada, dochter fan ’e Hetyt Elon en Oholibama, dochter fan Ana, bernsbern fan Sibon, de Chiwwyt ₃en Basemat, dochter fan Ismael, suster fan Nebajot. ₄Ada joech Ezau Elifaz en Basemat krige Reûel. ₅Oholibama krige Jeûsj, Jalam en Koarach. Dat wienen de soannen fan Ezau, dy’t er krige hat yn it lân Kanaän.

₆En Ezau naam syn froulju, syn soannen en dochters en alle folk, dat ta syn hûs hearde, syn keppels, al syn fee en syn hiele besit, dat er yn it lân Kanaän wûn hie mei en gong nei in lân út it gesicht fan syn broer Jakob. ₇Har besit wie nammers te grut om byinoar te wenjen. It lân dêr’t se as frjemd tahâlden, koe har net drage fanwegen har keppels fee. ₈Dat sa sette Ezau him nei wenjen yn it berchlân Séir. Ezau is itselde as Edom.

₉Dat is de famylje fan Ezau, de stamheit fan ’e Edomiten, yn it berchlân Séir. ₁₀Dit binne de nammen fan Ezau’s soannen: Elifaz, soan fan Ezau’s frou Ada; Reûel, soan fan Ezau’s frou Basemat. ₁₁De soannen fan Elifaz binne Teman, Omar, Sefo, Gatam en Kenaz. ₁₂Timna wie in byfrou fan Elifaz, de soan fan Ezau. Hja joech Elifaz Amalek. Dat wienen de soannen fan Ada, de frou fan Ezau. ₁₃En dit binne de soannen fan Reûel: Nachat en Zêrach, Sjamma en Mizza. Dat wienen de soannen fan Basemat, de frou fan Ezau. ₁₄Dit binne de soannen fan Oholibama, de dochter fan Ana, bernsbern fan Sibon, de frou fan Ezau. Hja joech Ezau Jeûsj, Jalam en Koarach.

₁₅Dit binne de stamhaden fan ’e soannen fan Ezau: De soannen fan Elifaz, Ezau’s âldste: sjeik Teman, sjeik Omar, sjeik Sefo, sjeik Kenaz, ₁₆sjeik Koarach, sjeik Gatam, sjeik Amalek. Dat wienen de stamhaden fan Elifaz yn it lân Edom. Dat wienen de soannen fan Ada. ₁₇Dit binne de soannen fan Reûel, de soan fan Ezau: sjeik Nachat, sjeik Sêrach, sjeik Sjamma, sjeik Mizza. Dat wienen de stamhaden fan Reûel yn it lân Edom. Dat wienen de soannen fan Basemat, de frou fan Ezau. ₁₈En dit binne de soannen fan Oholibama, de frou fan Ezau: sjeik Jeûsj, sjeik Jalam, sjeik Koarach. Dat wienen de stamhaden fan Oholibama, de dochter fan Ana, de frou fan Ezau. ₁₉Dat wienen de soannen fan Ezau en har stamhaden. Dat is Edom.

₂₀Dit binne de soannen fan de Choaryt Séir, de bewenners fan it lân Lotan, Sjobal, Sibon, Ana, ₂₁Disjon, Eser en Disjan. Dat wienen de Choarityske stamhaden, soannen fan Séir, yn it lân Edom. ₂₂De soannen fan Lotan wienen: Choary en Hemam en de suster fan Lotan wie Timna. ₂₃En dit binne de soannen fan Sjobal: Alwan, Manachat, Ebal, Sjefo en Onam. ₂₄En dit binne de soannen fan Sibon: Ajja en Ana. Dat is dy Ana, dy’t waarme wellen yn ’e woestyn fûn, doe’t er de ezels fan syn heit Sibon weide. ₂₅En dit binne de bern fan Ana: Disjon en Oholibama, de dochter fan Ana. ₂₆En dit binne de soannen fan Disjon: Chemdan, Esjban, Jitram en Keran. ₂₇Dit binne de soannen fan Eser: Bilhan, Zaäwan en Akan. ₂₈Dit binne de soannen fan Disjan: Oes en Aran. ₂₉Dit binne de stamhaden fan ’e Choariten: sjeik Lotan, sjeik Sjobal, sjeik Sibon, sjeik Ana, ₃₀sjeik Disjon, sjeik Eser en sjeik Disjan. Dat wienen de stamhaden fan ’e Choariten, neffens har stammen yn it lân Séir.

₃₁En dit binne de keningen dy’t regearre hawwe oer it lân Edom, ear’t der in kening oer de Israeliten regearre. ₃₂Yn Edom hat regearre Bêla, de soan fan Beör en syn stêd hiet Dinhaba. ₃₃Doe’t Bêla stoarn wie, folge Jobab, de soan fan Sêrach út Bosra, him op. ₃₄Doe’t Jobab stoarn wie, folge Chûsjam út it lân fan ’e Temaniten, him op. ₃₅Doe’t Chûsjam stoarn wie, folge Hadad, de soan fan Bedad, dy’t Midjan yn it fjild fan Moäb fersloech, him op, en syn stêd hiet Awyt. ₃₆Doe’t Hadad stoarn wie, folge Samla út Masreka, him op. ₃₇Doe’t Samla stoarn wie, folge Saûl út Rechobot oan ’e rivier, him op. ₃₈Doe’t Saûl stoarn wie, folge Baäl-Chanan, de soan fan Akbor, him op. ₃₉Doe’t Baäl-Chanan, de soan fan Akbor, stoarn wie, folge Hadar him op, en syn stêd hiet Paû. Syn frou wie Mehetabel, dochter fan Matred, dochter fan Mezahab.

₄₀En dit binne de nammen fan ’e stamhaden fan Ezau neffens har geslachten, har plakken en har nammen: sjeik Timna, sjeik Alwa, sjeik Jetet, ₄₁sjeik Oholibama, sjeik Ela, sjeik Pinon, ₄₂sjeik Kenaz, sjeik Teman, sjeik Mibsar, ₄₃sjeik Magdiël, sjeik Iram. Dat wienen de stamhaden fan Edom neffens har wenplakken yn it lân dat se yn eigendom krige hienen. Dat is Ezau, de stamheit fan ’e Edomiten.