1 Kroniken 9

₁Sa wie hiele Israel beskreaun. Hja stienen nammers ynskreaun yn it boek fan ’e keningen fan Israel en Juda, doe’t se fanwegen har ûntrou as ballingen nei Babel brocht waarden. ₂De earsten dy’t har wer yn har stêden en op har eigen besit nei wenjen set hawwe, wienen nêst gewoane Israeliten ek prysters, leviten en timpeltsjinners.

₃Yn Jeruzalem wennen Judeeërs, Benjaminiten, Efraïmiten en Manassiten. ₄Fan ’e Judeeërs wienen it Oetai, de soan fan Amihûd, de soan fan Omry, de soan fan Imry, de soan fan Bany út it laach fan Pêres, de soan fan Juda; ₅Fan ’e Sjiloniten Asaja, de earstlingssoan en syn soannen; ₆fan ’e soannen fan Sêrach Jeûël en harren sibben: 690 man. ₇Fan ’e Benjaminiten wienen it Sallû, de soan fan Mesjûllam, de soan fan Hodawja, de soan fan Hassenûja; ₈Jibneja, de soan fan Jerocham; Ela, de soan fan Oezzy, de soan fan Mikry; Mesjûllam, de soan fan Sjefatja, de soan fan Reûël, de soan fan Jibnía. ₉Dêrby kamen har sibben yndield neffens har komôf: 956 man; dat wienen allegearre manlju, haden fan har âffaars stamhuzen.

₁₀Fan ’e prysters wienen it Jadaja, Jojarib, Jakin, ₁₁Azarja, de soan fan Chilkía, de soan fan Mesjûllam, de soan fan Sadok, de soan fan Merajot, de soan fan Achitûb, de foarst fan it hûs fan God. ₁₂Fierders Adaja, de soan fan Jerocham, de soan fan Pasjchoer, de soan fan Malika; en Masai, de soan fan Adiël, de soan fan Jachseara, de soan fan Mesjûllam, de soan fan Mesjilémit, de soan fan Immer, ₁₃en har sibben, haden fan stamhuzen, 1760 man, warbere mannen foar it tsjinstwurk yn Gods hûs.

₁₄Fan ’e leviten wie it Sjemaja, de soan fan Chassjûb, de soan fan Azrikam, de soan fan Chasjabja, ien út ’e soannen fan Merary; ₁₅fierder wienen it Babbakar, Chêresj, Galal en Mattanja, de soan fan Mika, de soan fan Sikry, de soan fan Asaf; ₁₆dan Obadja, de soan fan Sjemaja, de soan fan Galal, de soan fan Jedûtûn, en Bêrekja, de soan fan Asa, de soan fan Elkana, dy’t wenne yn ’e doarpen fan ’e Netofatiten; ₁₇en de poartewachters Sjallûm, Akkûb, Talmon, Achiman, mei har sibben. Sjallûm hie de lieding; ₁₈oant hjoed-de-dei hat er syn plak op it easten by de keningspoarte: Hja wienen de poartewachters foar de legerkampen fan ’e Leviten.

₁₉Sjallûm, de soan fan Koaré, de soan fan Ebjasai, de soan fan Koarach, en syn sibben út it stamhûs fan ’e Koarachiten hienen de wachttsjinst by de drompels fan ’e tinte, lykas har foarfaars op wacht stien hienen by de yngong fan it legerkamp fan de Heare. ₂₀Pinechas, de soan fan Eleäzar, hie doe de lieding oer harren. – Mei de Heare mei him wêze! – ₂₁Sekarja, de soan fan Mesjêlemja, hie de wacht oer de tagong fan ’e tinte fan ’e moeting ₂₂Dy útsochte ploech fan drompelwachters wie mei-inoar 212 man sterk. Hja stienen op har doarpen yn har famyljeregisters ynskreaun. David en Samuël, de sjenner, hienen harren op dy fertrouwenspost steld. ₂₃Hja en har bern wienen de wachters dy’t de poarten fan it hûs fan de Heare, de tintwenning, op ’e noed hienen.

₂₄De poartewachters moasten opsteld stean neffens de fjouwer wynstreken: op it easten, op it westen, op it noarden en op it suden. ₂₅Har sibben op har doarpen moasten op fêste tiden sân dagen opkomme, om mei har de tsjinst waar te nimmen, ₂₆mar de fjouwer heechste poartewachters sels hienen altydtroch tsjinst. Dat wienen leviten.

Dan wienen der ek guon dy’t noed stienen foar de skatten en de keamers fan Gods hûs. ₂₇Hja bleauwen nachts om Gods hûs hinne, want harren wie de wacht tabetroud en se moasten alle moarnen iependwaan.

₂₈Oaren fan har gongen oer it guod dat nedich wie foar de tsjinst; se hâlden telling fan wat brocht en fuortbrocht waard. ₂₉Wer oaren wienen besteld mei it ark en al it hillige guod; mei de blom fan moal, de wyn, de oalje, de wijreek en de swietrokige krûden. ₃₀Guon prystersoannen wienen salvemingers. Se makken de salve foar de swietrokige krûden. ₃₁Mattitja, ien fan ’e leviten – hy wie de soan fan ’e Korachyt Sjallûm – hie as syn amtswurk it tafersjoch oer it bakken. ₃₂Guon fan ’e Kehatiten, har sibben, gongen oer de toanbreaën, om dy elke sabbat ree te setten.

₃₃De earder neamde sjongers, haden fan stamhuzen ûnder de Leviten, hienen har tahâld yn ’e timpel en wienen frijsteld fan oare tsjinst; want by nacht en by dei hienen se it bannich mei har eigen wurk.

₃₄De oare haden fan stamhuzen fan ’e Leviten, neffens har komôf neamd, wennen yn Jeruzalem.

₃₅Te Gibeön wenne de heit fan Gibeön: Jeïel; syn frou hiet Maäka. ₃₆Syn earstlingssoan wie Abdon, fierders hied er Soer, Kisj, Baäl, Ner, Nadab, ₃₇Gedor, Achjo, Sekarja en Miklot. ₃₈Miklot wie de heit fan Sjimam. Krekt as har famylje setten se har yn Jeruzalem nei wenjen, tichteby harren. ₃₉Ner wie de heit fan Kisj, Kisj fan Saul, Saul fan Jonatan, Malkisjûa, Abinadab en Esjbaäl. ₄₀De soan fan Jonatan wie Merib-Baäl. Merib-Baäl wie de heit fan Mika. ₄₁De soannen fan Mika wienen Piton, Mêlek, Tachréa en Achas. ₄₂Achas wie de heit fan Jara; Jara fan Alêmet, Asmavet en Simry; Simry fan Mosa. ₄₃Mosa wie de heit fan Bina; dy syn soan wie Refaja, dy syn soan Elasa, en dy syn soan Asel. ₄₄Asel hie seis soannen; dy hieten Azrikam, Bokerû, Jisjmaël, Sjeärja, Obadja en Chanan. Dat wienen de soannen fan Asel.