1 Kroniken 8

₁Benjamin wie de heit fan Bêla, syn earstlingssoan, Asjbel syn twadde, Achrach, syn tredde ₂Nocha, syn fjirde, en Rafa, syn fyfte. ₃Bêla hie as soannen Addar, Geara en Abihûd, de heit fan Ehûd. ₄Abisjûa, Naäman, Achoach, ₅Geara, Sjefûfan en Chûram; ₆dat wienen de soannen fan Ehûd. Dat wienen de haden fan ’e stamhuzen fan ynwenners fan Gêba dy’t se as ballingen nei Manachat weifierd hawwe. ₇Mar Naäman, Achía en Geara, dy fierden se net yn ballingskip. Geara wie de heit fan Oezza en Achichûd.

₈Sjacharaïm krige bern yn ’e fjilden fan Moäb. Nei’t er syn froulju Chûsjim en Baära fuortstjoerd hie, ₉krige er by syn frou Chodesj: Jobab, Sibja, Mesja, Malkam, ₁₀Jeûs, Sakeja en Mirma; dat wienen syn soannen, haden fan stamhuzen. ₁₁By Chûsjim hied er Abitûb en Elpaäl krige. ₁₂De soannen fan Elpaäl wienen: Eber, Misjam en Sjêmed. Dat wie de man dy’t Ono boud hat en Lod mei wat derûnder foel.

₁₃Beria en Sjêma. Dat wienen de haden fan ’e stamhuzen dy’t yn Ajjalon wennen. Hja hawwe de ynwenners fan Gat ferdreaun. ₁₄Achjo, Sjasjak, Jeremot, ₁₅Sebadja, Arad, Ader, ₁₆Mikael, Jisjpa en Jocha, bruorren fan Beria. ₁₇Sebadja, Mesjûllam, Chisky, Chêber, ₁₈Jisjmerai, Jizlia en Jobab wienen soannen fan Elpaäl. ₁₉Jakim, Sikry, Sabdy, ₂₀Eliënai, Silletai, Eliël, ₂₁Adaja, Beraja en Sjimrat wienen soannen fan Sjimy, ₂₂Jisjpan, Eber, Eliël, ₂₃Abdon, Sikry, Chanan, ₂₄Chanaja, Elam, Antotía, ₂₅Jifdeja en Penûel wienen soannen fan Sjasjak. ₂₆Sjamsjerai, Sjecharja, Atalja, ₂₇Jaäresja, Elía en Sikry wienen soannen fan Jerocham. ₂₈Dat wienen de haden fan ’e stamhuzen, neffens har komôf neamd; dy wennen te Jeruzalem.

₂₉Te Gibeön wenne de heit fan Gibeön, Jeïel, syn frou hiet Maäka. ₃₀Syn earstlingssoan wie Abdon; fierders hied er Sûr, Kisj, Baäl, Nadab, ₃₁Gedor, Achjo, Sêker, Miklot. ₃₂Miklot wie de heit fan Sjima. Krekt as har famylje setten se har yn Jeruzalem nei wenjen, tichteby harren. ₃₃Ner wie de heit fan Kisj, Kisj fan Saul, Saul fan Jonatan, Malkisjûa, Abinadab en Esj-Baäl. ₃₄De soan fan Jonatan wie Merib-Baäl. Merib-Baäl wie de heit fan Mika. ₃₅De soannen fan Mika wienen Piton, Mêlek, Taréa en Achas. ₃₆Achas wie de heit fan Joädda, Joädda fan Alêmet, Asmawet en Simry; en Simry fan Mosa. ₃₇Mosa wie de heit fan Bina; dy syn soan wie Rafa, syn soan Elasa, syn soan Asel. ₃₈Asel hie seis soannen; dy hieten Asrikam, Bokerû, Jisjmaël, Sjeärja, Obadja en Chanan; dat wienen allegearre soannen fan Asel. ₃₉De soannen fan syn broer Esjek wienen Oelam, syn earstlingssoan; Jeûsj, syn twadde, en Elifêlet, syn tredde. ₄₀Oelam syn soannen wienen dappere helden, tûke bôgesjitters. Se hienen gâns bern en bernsbern, hûndertfyftich. Dy hearre allegearre ta de Benjaminiten.