1 Kroniken 7

₁De soannen fan Issaskar wienen Tola, Pûa, Jasjûb en Sjimron, fjouwer mei-inoar. ₂De soannen fan Tola wienen Oezzy, Refaja, Jeriël, Jachmai, Jibsam en Sjemûel, haden oer stamhuzen fan Tola; dy telden yn ’e tiid fan David 22.600 warbere mannen. ₃De soan fan Oezzy wie Jisrachja; de soannen fan Jisrachja wienen: Milkaël, Obadja, Joël en Jissjia; fiif haden mei-inoar. ₄By harren hearden 36.000 man oan troepen, want se hienen gâns froulju en bern. De mannen wienen yndield neffens har komôf en stamhuzen. ₅Har meistriders út alle geslachten fan Issaskar, warbere mannen, 87.000 man sterk, wienen allegearre yn it stamregister ynskreaun.

₆De soannen fan Benjamin wienen Bêla, Beker en Jediaël; dy trije. ₇De soannen fan Bêla wienen: Esbon, Oezzy, Oezziël, Jerimot en Iry, fiif haden fan stamhuzen, warbere mannen; yn har stamregisters stienen ynskreaun 22.430 man. ₈De soannen fan Beker wienen: Semira, Joäsj, Eliêzer, Eljoënai, Omry, Jerimot, Abía, Anatot en Alêmet; dat wienen allegearre soannen fan Beker. ₉Yn har stamregister stienen 20.200 man ynskreaun neffens har komôf en as haden fan stamhuzen: warbere mannen. ₁₀De soan fan Jediaël wie Bilhan, en de soannen fan Bilhan wienen: Jeûsj, Benjamin, Ehûd, Kenaäna, Setan, Tarsjisj en Achisjachar. ₁₁Dat wienen allegearre soannen fan Jediaël, haden fan stamhuzen, warbere mannen, 17.200 man, ree foar de striid. ₁₂Dan hie ien soan, Chûsjim.

₁₃De soannen fan Naftaly wienen: Jachasiël, Gûny, Jeser, Sjallûm, bernsbern fan Bilha.

₁₄De soannen fan Manasse wienen Asriël, dy’t er by syn frou krigen hie; mar by syn arameeske byfrou hie er Makir, de heit fan Gileäd. ₁₅En Makir naam in frou fan de Sjûppiten en Chûppiten, dy’t Maäka hiet. Syn earste soan hiet Chefer, de twadde soan Selofchad, mar dy krige allinne dochters. ₁₆Maäka, de frou fan Makir, krige in soan dy’t se de namme Pêresj joech; syn broer hiet Sjêres en syn soannen Oelam en Rêkem. ₁₇De soan fan Oelam wie Bedan. Dat wienen de soannen fan Gileäd, de soan fan Makir, de soan fan Manasse. ₁₈Syn suster Hammolêket krige Isjhod, Abiêzer en Machla. ₁₉De soannen fan Sjemida wienen Achjan, Sjêkem, Likchy en Aniam

₂₀De soan fan Efraïm wie Sjûtêlach; syn soan Bêred, dy syn soan Tachat, dy syn soan Elada en dy syn soan Tachat. ₂₁Dy syn soan wie Sabad, dy syn soan Sjûtêlach; fierders Ezer en Elad. Mar de mannen fan Gat, dy’t dêr thús hearden, sloegen har dea, om’t se delkommen wienen om har fee te stellen. ₂₂Har heit Efraïm rouwe gâns in tiid om harren. Doe kamen syn bruorren om him bliken fan meilibjen te jaan.

₂₃Dêrnei hie er mienskip mei syn frou. Dy waard swier en krige in soan dy’t er Beria neamde, want it wie ien-en-al lijen mei syn hûs. ₂₄Syn dochter wie Sjêëara; dy boude Leech en Heech Bet-Choaron en Oezen-Sjêëara. ₂₅Rêfach wie syn soan en Rêsjef; en dy syn soan Têlach; dy syn soan Tachan, ₂₆dy syn soan wie Ladan, dy syn soan Ammihûd, en dy syn soan Elisjama, ₂₇dy syn soan wie Non, en dy syn soan Jozua.

₂₈Har wenplakken, dêr’t se har eigendommen hienen, wienen: Bet-El mei wat derûnder foel; nei it easten út Naäran, nei it westen út Gêzer mei wat derûnder foel en Sichem mei wat derûnder foel oant Ajja mei wat derûnder foel. ₂₉Fierders de kant fan ’e Manassiten oer: Bet-Sjan, Taänak, Megiddo, en Doar mei al wat derûnder foel. Op dy plakken wennen de soannen fan Joazef, de soan fan Israel.

₃₀De soannen fan Azer wienen Jimna, Jisjwa, Jisjwy en Beria. Sêrach wie har suster. ₃₁De soannen fan Beria wienen Chêber en Malkiël, dy’t de heit fan Birzawit wie. ₃₂Chêber wie de heit fan Jaflet, Sjomer, Chotam en har suster Sjûa. ₃₃De soannen fan Jaflet wienen Pasak, Bimhal en Aswat; dat wienen de soannen fan Jaflet. ₃₄De soannen fan Sjêmer, syn broer, wienen Roga, Jechûbba en Aram. ₃₅De soannen fan Helem, syn broer, wienen Sofach, Jimna, Sjelesj en Amal. ₃₆De soannen fan Sofach wienen Sûach, Charnêfer, Sjûal, Beary en Jimra, ₃₇Bêser, Hod, Sjamma, Sjilsja, Jitran en Beëara. ₃₈De soannen fan Jêter wienen Jefûnne, Pispa en Ara. ₃₉De soannen fan Oella wienen Arach, Channiël en Risja. ₄₀Dat wienen allegearre soannen fan Azer, haden fan stamhuzen, in útsochte ploech fan warbere mannen, foarsten by útstek; har tal, dat yn ’e famyljeregisters foar de kriichstsjinst opskreaun stie, wie 26.000 man.