Wan wortu na fesi

\p Nanga bigi prisiri wi e pristeri a pipel fu Sranan a Wortu fu Gado ini Sranantongo soleki fa wi e taki en tide. Ini a buku disi wi puru a Owru Testamenti di ben skrifi na ini a Hebrewtongo nanga a Arameetongo èn a Nyun Testamenti di ben skrifi na ini a Grikitongo poti na ini a Sranantongo, sondro fu kenki a gronprakseri fu a boskopu. Wi suku tu fu du en tapu wan fasi di makriki fu leisi èn di krin fu ferstan. Wi ben pristeri a Nyun Testamenti na ini a yari 2002. Baka dati wi bigin na ini 2004 fu poti a Owru Testamenti na ini Sranantongo. Wi kenki son sani ini a Nyun Testamenti fu a kan fiti moro bun nanga a Owru Testamenti fu wi kan abi a heri Wortu fu Gado ini Sranantongo. Wi e taki Masra Gado grantangi fu di A ben yepi wi fu klari a wroko, èn wi e howpu tak' a Bijbel disi sa yepi sma fu kon ferstan Gadowortu moro bun.

\p Surinaams Bijbelgenootschap

Door deze website verder te gebruiken ga je akkoord met plaatsing en gebruik van cookies door het NBG en derden conform onze privacyverklaring.[bericht verbergen]