1 Kroniken 25

₁Doe joegen David en de legerkommandanten de soannen fan Asaf, Heman en Jedûtûn in apart plak, en wol om mei begelieding fan lieren, harpen en bekkens as profeten te sjongen. De mannen, foar wa’t dat wurk opkaam, wienen: ₂fan ’e soannen fan Asaf: Sakkûr, Joazef, Netabja, Asarela; Asaf syn soannen ûnder lieding fan Asaf, dy’t as profeet song, sa’t de kening foarskreaun hie; ₃foar Jedûtûn: de soannen fan Jedûtûn, Gedalja, Seary, Jesaja, Chesabja, (Sjimy), Matitja, sels mei-inoar, ûnder lieding fan har heit Jedûtûn, dy’t as profeet mei begelieding fan ’e liere de lof en tank fan de Heare song; ₄foar Heman: de soannen fan Heman, Bûkkija, Mattanja, Oezziël, Sjebûel en Jerimot; Chanaja, Chanany, Eliata, Giddalty, Romamty-Ezer, Josjbekasja, Malloty, Hotir en Machaziot. ₅Dat wienen allegearre soannen fan Heman, de sjenner fan ’e kening, dy’t by godlike wurden de hoarn hearre lieten. Want God hie Heman fjirtjin soannen en trije dochters jûn.

₆Dy allegearre wienen der, om ûnder lieding fan har heit yn it hûs fan de Heare by bekkens, harpen en lieren te sjongen om God yn syn hûs te tsjinjen, sa’t de kening it foarskreaun hie. Dat wienen Asaf, Jedûtûn en Heman. ₇Mei har bruorren, dy’t ûnderlein wienen yn it sjongen foar de Heare, allegear faklju, wie har tal 288.

₈Troch lotsjen waard útmakke wa’t tsjinst hie; dat gou foar de jongste likegoed as foar de âldste, de trochlearde likegoed as foar de learling.

₉Foar Asaf foel it earste lot op Joazef; it twadde op Gedalja mei syn bruorren en syn soannen, tolve mei-inoar. ₁₀It tredde foel op Sakkûr, syn soannen en syn bruorren, tolve mei-inoar. ₁₁It fjirde foel op Jisry, syn soannen en syn bruorren, tolve mei-inoar. ₁₂It fyfte op Netanja, syn soannen en syn bruorren, tolve mei-inoar. ₁₃It sechste op Bûkkija, syn soannen en syn bruorren, tolve mei-inoar. ₁₄It sânde op Jesarela, syn soannen en syn bruorren, tolve mei-inoar. ₁₅It achtste op Jesaja, syn soannen en syn bruorren, tolve mei-inoar. ₁₆It njoggende op Mattanja, syn soannen en syn bruorren, tolve mei-inoar. ₁₇It tsiende op Sjimy, syn soannen en syn bruorren, tolve mei-inoar. ₁₈It alfte op Azarel, syn soannen en syn bruorren, tolve mei-inoar. ₁₉It tolfte op Chasabja, syn soannen en syn bruorren, tolve mei-inoar. ₂₀It trettjinde op Sjûbael, syn soannen en syn bruorren, tolve mei-inoar. ₂₁It fjirtjinde op Mattitja, syn soannen en syn bruorren, tolve mei-inoar. ₂₂It fyftjinde op Jerimot, syn soannen en syn bruorren, tolve mei-inoar. ₂₃It sechtjinde op Chananja, syn soannen en syn bruorren, tolve mei-inoar. ₂₄It santjinde op Josjbekasja, syn soannen en syn bruorren, tolve mei-inoar. ₂₅It achttjinde op Chanany, syn soannen en syn bruorren, tolve mei-inoar. ₂₆It njoggentjinde op Malloty, syn soannen en syn bruorren, tolve mei-inoar. ₂₇It tweintichste op Eliata, syn soannen en syn bruorren, tolve mei-inoar. ₂₈It ienentweintichste op Hotir, syn soannen en syn bruorren, tolve mei-inoar. ₂₉It twaëntweintichste op Giddalty, syn soannen en syn bruorren, tolve mei-inoar. ₃₀It trijeëntweintichste op Machaziot, syn soannen en syn bruorren, tolve mei-inoar. ₃₁It fjouwerentweintichste op Romamty-Ezer, syn soannen en syn bruorren, tolve mei-inoar.