Psalmen 23

De Heare is myn hoeder, neat bin ik brek,

₂troch Him mei ik lizze yn griene greiden,

Hy bringt my by wetters dêr’t ik rêst fyn.

₃Hy lit my wer ta mysels komme,

Hy liedt my op rjochte paden

om ’e wille fan syn namme.

₄Al gean ik troch in delling fol djippe skaden,

ik bin net bang foar ûnheil,

want Jo binne deun by my;

jo stôk en jo stêf

dy fertreaste my.

₅Jo meitsje my de tafel ree

foar de eagen fan myn benearders.

Jo salvje my de holle mei oalje

en myn beker rint oer.

₆Kleare goedens en geunst sille my folgje

al myn libbensdagen;

en ik sil in fêst plak hawwe yn it hûs fan de Heare,

salang’t de dagen duorje.