Psalmen 15

Heare, wa mei tahâlde yn jo tinte,

wa mei wenje op jo hillige berch?

₂Dy’t earlik en oprjocht libbet,

dy’t docht wat rjocht is,

dy’t seit wat er tinkt,

₃dy’t net rabbet mei de tonge,

dy’t syn freon gjin kwea docht,

dy’t syn neiste net op in minne namme bringt,

₄dy’t de ferachtlike ferachtet,

dy’t yn eare hâldt wa’t de Heare tsjinnet,

dy’t syn eden net brekt, al is it ta syn eigen skea,

₅dy’t syn jild net tsjin woeker útset,

dy’t him net omkeapje lit om in ûnskuldige skea te dwaan.

Wa’t sa docht, sil nea net wifkje.