Psalmen 130

Ut ’e djipte wei rop ik Jo, Heare.

₂Hear, harkje nei myn stim.

Lit jo earen dochs acht jaan

op myn lûd smeekjen.

₃As Jo, Heare, my de sûnden oanrekkenje,

o Hear, wa kin dan steande bliuwe?

₄Mar Jo kinne ferjaan

en dêrom hat men ûntsach foar Jo.

₅Ik wachtsje op ’e Heare,

mei hert en siel wachtsje ik,

ik hoopje op syn belofte.

₆Mei hert en siel sjoch ik út nei de Heare,

mear as wachters nei de moarntyd,

wachters nei de moarntyd.

₇Wachtsje, Israel, op de Heare,

want by de Heare is genede,

by Him is folsleine ferlossing.

₈Ja, Hy sil Israel ferlosse

fan alle ûngerjochtichheid.