Psalmen 13

₂Hoelang, Heare, sille Jo my al mar wer ferjitte,

hoelang Jo fan my ôfkeare?

₃Hoelang moat ik soargen yn my omdrage,

fertriet yn myn hert by de dei lâns,

hoelang sil myn fijân oer my triomfearje?

₄Sjoch skerp ta en harkje nei my, Heare, myn God!

Jou ljocht oan myn eagen, dat ik net yn ’e deasliep sink,

₅dat myn fijân net sizze kin: ‘Ik bin him oermânsk wurden’;

dat myn tsjinstanners net opsprekke, as ik ûnder fuotten reitsje.

₆Mar ik, ik lit it op jo geunst oankomme,

myn hert mei jubelje, om’t Jo my holpen hawwe,

ik wol foar de Heare sjonge, om’t Er my goeddien hat.