Psalmen 121

Ik slach myn eagen op nei de bergen.

Wêr moat myn help wei komme?

₂Myn help komt fan de Heare,

dy’t himel en ierde makke hat.

₃Hy lit dyn foet net wifkje

en Hy slommet net, dyn Hoeder.

₄Nee, net slomje en net sliepe

sil de Hoeder fan Israel.

₅De Heare is dyn Hoeder,

de Heare is dyn skaad

oan ’e rjochterside.

₆Oerdeis stekt dy de sinne net,

nachts docht de moanne dy gjin kwea.

₇De Heare hoedet dy foar alle kwea,

Hy hoedet dyn libben.

₈De Heare hoedet dyn gean en dyn kommen

fan no ôf oant yn ivichheid.