Nehemia 11

₁De oersten fan it folk setten har yn Jeruzalem nei wenjen. It oare folk lotte derom: ien op ’e tsien soe yn Jeruzalem, de hillige stêd, wenje en de oare njoggen yn ’e oare stêden. ₂De minsken hienen lof foar alle lju dy’t út harsels yn Jeruzalem gongen te wenjen. ₃No komme de haden fan ’e provinsje dy’t har yn Jeruzalem nei wenjen setten. Yn ’e stêden fan Juda wennen: de gewoane Israeliten, de prysters, de leviten, it wurkfolk yn ’e timpeltsjinst en de neiteam fan ’e tsjinners fan Salomo, elk op eigen besit en yn eigen stêd. ₄Yn Jeruzalem wennen sawol fan ’e Judeeërs as fan ’e Benjaminiten. Dit binne se fan Juda: Ataja, de soan fan Oezzía, de soan fan Sekarja, de soan fan Amarja, de soan fan Sjefatja, de soan fan Mahalalel, út ’e neiteam fan Pares ₅en Maäséja, de soan fan Barûch, de soan fan Kol-Chozê, de soan fan Chazaja, de soan fan Adaja, de soan fan Jojarib, de soan fan Sekarja, de soan fan Hassjilony. ₆Alle neikommelingen fan Pares dy’t yn Jeruzalem wennen, wienen 468 striidbere mannen. ₇Dit binne se fan Benjamin: Sallû, de soan fan Mesjûllam, de soan fan Joëd, de soan fan Pedaja, de soan fan Kolaja, de soan fan Maäséja, de soan fan Itiël, de soan fan Jesjaja, ₈en nei him Gabbai en Sallai: 928. ₉Joël, de soan fan Sikry, hie it tafersjoch oer har en Jehûda, de soan fan Hassenûa, wie de twadde oer de stêd. ₁₀Fan ’e prysters: Jedaja, Ben-Jojarib, Jakin, ₁₁Sjeraja, de soan fan Chilkía, de soan fan Mesjûllam, de soan fan Sadok, de soan fan Merajot, de soan fan Achitûb, foarst fan it hûs fan God. ₁₂Fierdersoan har bruorren, dy’t yn it hûs de tsjinst útmakken: 822. Adaja, de soan fan Jerocham, de soan fan Palalja, de soan fan Amsy, de soan fan Sekarja, de soan fan Pasjchûr, de soan fan Malkía, ₁₃mei syn bruorren, famyljehaden: 242. Ek Amasjai, de soan fan Azarel, de soan fan Achzai, de soan fan Mesjillemot, de soan fan Immer, ₁₄mei syn bruorren, warbere fikse mannen: 128; en oerste oer har wie Sabdiël, út in flink laach. ₁₅Fan ’e leviten: Sjemaja, de soan fan Chasjûb, de soan fan Azrikam, de soan fan Chasjabja, de soan fan Bûnny, ₁₆en Sjabbetai en Jozabad stienen oer de bûtentsjinst fan it hûs fan God. Hja hearden ta de haden fan ’e leviten.

₁₇Mattanja, de soan fan Mika, de soan fan Sabdy, de soan fan Asaf, moast as foarsjonger lieding jaan oan ’e lofsang by it gebed en Bakbûkja wie de twadde ûnder syn bruorren, dan kaam Abda, de soan fan Sjammûa, de soan fan Galal, de soan fan Jedûtûn. ₁₈It tal leviten yn ’e hillige stêd wie: 284. ₁₉Fan ’e poartewachters Akkûb en Talmon, mei har bruorren dy’t de wacht hienen by de poarten: 172. ₂₀It oare Israel, de oare prysters en leviten wienen yn al de stêden fan Juda, elk op syn erfdiel. ₂₁It wurkfolk fan ’e timpeltsjinst wenne op ’e Ofel. Sicha en Gisjpa stienen oer it wurkfolk. ₂₂Oerste fan ’e leviten yn Jeruzalem wie Oezzy, de soan fan Bany, de soan fan Chasjabja, de soan fan Mattanja, de soan fan Mika, út ’e neiteam fan Asaf, de sjongers dy’t tsjinst dwaan moasten yn it hûs fan God. ₂₃Ja, der bestie in keninklik beslút oer har, dêr’t in taslach yn fêstset wie neffens it ferlet fan elke dei. ₂₄Petachja, de soan fan Mesjizabel, út ’e neiteam fan Zearach, de soan fan Juda, stie de kening by yn alle kwestjes dy’t it folk oanbelangen.

₂₅Wat de fêste wenplakken mei de kontreien der omhinne oanbelanget: guon fan ’e neiteam fan Juda wennen yn Kirjat-Arba mei de omkriten dêrby en Dibon lyksa en yn Kabseël en syn útbuorrens, ₂₆yn Jesjûa, Molada, Bet-Pêlet, ₂₇yn Chazar, Sjûal, Beër-Sjêba mei de omkriten dêrby, ₂₈yn Siklag, Mekona mei de omkriten dêrby, ₂₉yn En-Rimmon, Soara, Jarmût, ₃₀Sanoäch, Adûllam en syn útbuorrens, Lakisj mei it lân der omhinne en Azeka mei syn omkriten derby. Hja hawwe har dus delset fan Beër-Sjêba ôf oan de delling fan Hinnom ta. ₃₁De bern fan Benjamin wennen fan Geba ôf yn Mikmas, Ajja, Bet-El mei syn omkriten; ₃₂yn Anatot, Nob, Amanja, ₃₃yn Chazor, Rama, Gittajim, ₃₄yn Chadid, Seboïm, Neballat, ₃₅yn Lod en Ono, de delling fan ’e ambachtslju. ₃₆En fan ’e leviten wienen guon ôfdielings fan Juda by Benjamin kommen.